Katrin Petersen verður fyribilsstjóri í Kringvarpinum

Katrin Petersen er sett sum fyribilsstjóri í Kringvarpinum, eftir at Ivan Niclasen var loystur úr starvi í gjár.

Hon er annars tíðindaleiðari í Kringvarpinum og hevur verið tað síðani 1. januar í ár.

Katrin Petersen er 51 ára gomul, útbúgvin journalistur og samfelagsfrøðingur.

Hon verður fyribils kringvarpsstjóri, til nýggjur stjóri er funnin - væntandi nakrar mánaðir.

Tilgongdin at søkja eftir nýggjum kringvarpsstjóra byrjar beinavegin.