Fult umfar í bestu hondbóltsdeildunum

Fult umfar er í bestu hondbóltsdeildunum í dag. 

Í landskappingini við monnum spælir toppur ímóti botni, tá Team Klaksvík klokkan fimm seinnapartin tekur ímóti oddaliðnum Kyndli.

Í Vestmanna er grannauppgerð, tá VÍF og KÍF bresta saman klokkan fýra, og klokkan fimm spæla StÍF og H71 á Skála.

Fýra dystir eru hjá kvinnunum.

Tann fyrsti er í Havn klokkan hálvgum tvey millum Neistan og VB, klokkan tvey spæla VÍF og EB í Vestmanna.

Hinir báðir dystirnir eru klokkan trý, tá ið StÍF og H71 spæla á Skála og Stjørnan og Kyndil í Klaksvík.