Fegnast um broyting í sjófeingislógini

Ætlaðu broytingarnar í sjófeingislógini fáa ikki bara ringt skoðsmál.

Formaðurin í Fiskimannafelagum, Jan Højgaard, fegnast um, at uppsjóvarskip skulu sleppa at landa helvtina av svartkjafti, makreli og sild uttanlands. 

Nú er hámarkið 15 prosent. 

Hetta hevur Fiskimannafelagið ofta biðið um. 

Fiskimannafelagið hevur brúkt nógva tíð uppá at fáa hetta broytt, sigur Jan Højgaard. 

Nú kunnu skipini avreiða, har besti prísurin fæst.

Tað ger, at manningarnar fáa meira í sín part, og tað fáa reiðaríini og landskassin eisini, sigur Jan Højgaard.