- Tíðindi, mentan og ítróttur
Fólkatalið vaks í 19 kommunum
Fólkatalið vaks í 19 kommunum
1. desember í fjør búðu 54.675 fólk í Føroyum
Fólkatalið vaks eitt hálvt prosent frá 1. desember 2023 til 1. desember í fjør.
13.01.2025 - 08:22
Frá 1. desember í 2023 til 1. desember 2024 vaks fólkatalið í 19 kommunum í Føroyum.
Størsti vøksturin var í Tórshavnar kommunu, Runavíkar kommunu, Nes kommunu, Vága kommunu og Skálavíkar kommunu.
Í teimum kommununum vaks fólkatalið serliga í Tórshavn, í Hoyvík, á Toftum og í Saltangará.
Fólkatalið minkaði í níggju kommunum og var óbroytt í einari.
Størsta minking var í Eiðis kommunu, Vágs kommunu og Sunda kommunu, skrivar Hagstovan.
Tann 1. desember í fjør búðu 54.675 fólk í Føroyum, hálvt prosent fleiri enn 1. desember í 2023.
Er kopiera
Nýggjastu sendingar í ÚV
Nýggjastu sendingar í SV
