Skuldi koma í gildi í síðstu viku - er enn í nevnd

Tað verður ikki enn á sinni, at nýggja kommunulæknalógin kemur aftur í tingsalin.

Uppskotið um lógina, sum eitur lóg um at skipa heilsutænastur í nærumhvørvinum hjá borgaranum, kom í tingið 4. november.

Fyrsta viðgerð var 15. november.

Síðani hevur trivnaðarnevndin havt uppskotið.

Hon hevur biðið um at fáa freistina at skiva álit longda til 11. februar, tí hon er ikki liðug at viðgera uppskotið.

Lógin skuldi annars, sambært uppskotinum, koma í gildi 15. januar í ár.

Trivnaðarnevndin hevur fund 3. februar.

Tá er málið á skránni.