Fýra ísraelskir gíslar latnir leysir

Gíslarnir fóru í bilar hjá Reyða Krossi. Herurin í Ísrael tók ímóti teimum, og teir eru nú komnir heim.

Talan er um fýra kvinnur, ið eru leyslatnar. Tær eru 19 og 20 ár gamlar. Tær vóru allar kvinnuligir hermenn, og høvdu sum uppgávu at ansa eftir markinum millum Ísrael og Gasa, tá ið lopið varð á Ísrael 7. oktober í 2023, og tær vóru tiknar gíslar.

Vápnahvíldin millum Ísrael og Gasa kom í gildi fyri eini viku síðani. Tá var avtalað, at 33 ísraelskir gíslar skuldu sleppa leysir í fyrsta umfari.

Tríggir gíslar vóru latnir leysir sunnudagin, og nú fýra afturat.

200 fangar í býti

Næstan 200 palestinskir fangar vera vantandi leyslatnir úr ísraelskum fongslum í dag í býti fyri gíslarnar.

Nakrir av teimum hava sitið langar dómar.