Kann verða tveittur úr Siumut

Kann verða tveittur úr Siumut
Tað vakti ans, at ein landstingsmaður hjá flokkinum av sínum eintingum fór til USA, tá Donald Trump var tikin í eið sum forseto
Kuno Fencker umboðar Siumut í grønlendska landstinginum.
Mynd: Sermitsiaq  
 
31.01.2025 - 09:13

Grønlendski tinglimurin Kuno Fencker stendur nú til at verða tveittur úr Siumut-flokkinum, tí hann av sínum eintingum fór til USA í sambandi við, at Donald Trump bleiv tikin í eið sum forseti.

Bæði Kuno Fencker og Siumut løgdu dent á, at talan var um eina persónliga avgerð hjá Kuno Fencker, men vitjanin hjá honum í USA elvdi til stóra misnøgd í Grønlandi.

Eitt nú kallaði IA-fólkatingslimurin Aaja Chemnitz tað fyri landaskaðiligt virksemi. Sambært DR hevur Kuno Fencker svarað aftur við at melda Aaju Chemnitz fyri ærumeiðing.

 

Ósamdur við landsstýrisformannin

Grønlendski landsstýrisformaðurin Mute B. Egede segði 21. januar, at landsstýrið skal standa fyri uttanríkispolitisku sambondunum hjá Grønlandi, men Kuno Fencker tekur ikki undir við hesum.

- Uttan so at eg havi møguleika at taka støðu til eina ítøkiliga lóggávu og atkvøða um hana, so eri eg ikki ein partur av tí, sigur hann við KNR.

Formaðurin hjá Siumut í Nuuk hevur nú heitt á Kuno Fencker um at melda seg úr flokkinum.

Er kopiera
Nýggjastu sendingar í ÚV
Nýggjastu sendingar í SV
Hósdag 27. februar
Hvíta gullið
188389
Hósdag 27. februar
DOKO1423 - teknmálstulkað
188375
Hósdag 27. februar
Morgunkórið
188372
Mikudag 26. februar
Ein søga um 45 ár
188344