Trump revsar altjóða revsidómstólin

Trump revsar altjóða revsidómstólin
Amerikanski forsetin hevur skrivað undir fyriskipan um fíggjarlig tiltøk og avmarkingar hjá fólki í ICC at ferðast til USA
Tiltøkini í fyriskipanini, sum Trump hevur skrivað undir, eru ætlað ávísum fólki, sum arbeiða hjá altjóða revsidómstólinum og kanna amerikanskar ríkisborgarar, ella teir sameindu hjá USA.
Mynd: Ritzau Scanpix  
 
07.02.2025 - 09:16

Amerikanski forsetin, Donald Trump, vil ikki loyva fólki, sum arbeiða hjá altjóða revsidómstólinum, ICC, inn í USA.

Trump hevur skrivað undir fyriskipan um fíggjarlig tiltøk og avmarkingar hjá teimum at ferðast til USA. 

Tiltøkini eru ætlað ávísum fólki, sum arbeiða hjá altjóða revsidómstólinum og kanna amerikanskar ríkisborgarar, ella teir sameindu hjá USA, teirra millum Ísrael.

Tað stendur á heimasíðuni hjá Hvítu húsunum í Washington.

 

Kannar krígsbrotsverk

Altjóða revsidómstólurin kannar krígsbrotsverk og brotsverk móti mannaættini í málum, har staturin ikki kann ella vil halda fram við málinum. 

Tiltøkini koma um somu tíð, sum ísraelski forsætisráðharrin, Benjamin Netanyahu, hevur vitjað í Washington.

Júst Netanyahu og fyrrverandi ísraelski verjumálaráðharrin, Yoac Gallant, eru eftirlýstir av ICC í sambandi við kríggið í Gasa. Eisini er ein leiðari hjá Hamas eftirlýstur.

- Handtøkuboðini hjá ICC eru ógrundað, heldur Donald Trump.

125 lond eru limir í Altjóða Revsidómstólinum, men USA er ikki limur í ICC.

Umframt USA eru eitt nú Russland, Kina ella Ísrael heldur ikki limir. 


 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592