Kunnu nú eisini søkja á Vanganum

Nú ber eisini til at søkja inn á gymnasialt miðnám og yrkisútbúgvingar á Vanganum.

Umsóknarfreistin er 15. mars.

Ein gymnasial miðnámsútbúgving varar vanliga trý ár og gevur førleikar til framhaldslestur í hægri lærustovni í Føroyum ella uttanlands. 

Ein yrkisútbúgving varar vanliga fýra ár.

Meginparturin av læruni er í einum virki, og okkurt um ein fjórðingur av tíðini er skúlagongd. 

Yrkisútbúgving gevur fólki rætt til at arbeiða sum faklærd. 

Í ár er gjørd ein app, sum eitur Útbúgvingar.

Í henni er kunning um gymnasialu miðnámsútbúgvingarnar og yrkisútbúgvingarnar í ár.