Løkke ringdi úr Havn til Kyiev

Løkke ringdi úr Havn til Kyiev
Danski uttanríkisráðharrin, sum sat til døgurða við Høgna Hoydal, landsstýrismanni, og uttanlandsnevndini hjá løgtinginum, ringdi í kvøld til starvsbróður sín í Ukraina
Lars Løkke Rasmussen, tá hann var í Kringvarpinum í dag
 
28.02.2025 - 21:31

Andrij Sybiha, uttanríkisráðharri í Ukraina, váttaði fyri løtu síðani, at hann hevði havt danska uttanríkisráðharran, Lars Løkke Rasmussen í telefonini.

Lars Løkke Rasmussen sat til borðs saman við Høgna Hoydal, landsstýrismanni í uttanríkismálum, og uttanlandsnevndini hjá løgtinginum, tá amerikanski forsetin, Donald Trump, niðurgjørdi ukrainska forsetan, Volodymyr Zelenskyy, fyri rullandi myndatólum. Nakað, sum førdi til, at Volodymyr Zelenskyy, løtu seinni fór úr Hvítu Húsunum, tí Donald Trump avlýsti restina av vitjanini.

Í telefonini úr Havn gjørdi Lars Løkke Rasmussen púra greitt fyri ukrainska uttanríkisráðharranum, Andrij Sybiha, at Danmark framhaldandi gevur Ukraina fullan stuðul.

Harafturat skrivar Lars Løkke Rasmussen á X "Slava Ukraini", sum merkir "Livi Ukraina".

Er kopiera
Nýggjastu sendingar í SV
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520