Báðir partar góðtóku semingsuppskotið

Reiðarafelagið fyri handilsskip og Maskinmeistarafelagið hava góðtikið semingsuppskotið, sum Semingsstovnurin legði fyri partarnar um eitt tíðina í nátt.

Partarnir eru samdir um eina lønarhækking upp á 4,32 prosent fyrra árið og 3,87 prosent seinna árið, skrivar Vinnuhúsið.

Talan er um sama lønarkarm, sum semja hevur verið um á privata arbeiðsmarknaðinum í hesum samráðingartíðarskeiði, ið byrjaði 1. mai 2024.

Sostatt eru samráðingarnar millum Reiðarafelagið fyri handilsskip og tey trý manningarfeløgini um nýggjar sáttmálar, sum eru galdandi fyri handilsskip, komnar á mál, skrivar Vinnuhúsið.