Eldradagur í Sunda kommunu

Í morgin skipar Sunda kommuna fyri eldradegi í Eydnuni á Oyrarbakka.

Eldradagurin er fyri allar borgarar í kommununi, sum eru 60 ár og eldri.

Lagt verður fyri við gongutúri í Náttúrulundini, og síðani verður morgunmatur. Annars verða fyrilestrar um góða heilsu, kirkjugongd í Føroyum í 250 ár og eldraráðið.

Eisini fer Kári P. at syngja og umboð fyri FarGen siga frá um ættarbandsskránna, áðrenn dagurin endar við fyrilestrinum “Ungdómurin hjá abba mínum vardi, til hann var 80”.

Eldradagurin er ókeypis, men fólk mugu tó melda seg til tiltakið.