Drukkin ungfólk í býnum

Drukkin ungfólk í býnum
Rættiliga nógv drukkin ungfólk vóru at síggja í býnum í Havn í nátt. Foreldur vórðu boðsend og sosialrapportir verða skrivaðar.
 
23.03.2025 - 09:43

Longu um níggjutíðina í gjárkvøldið kom politiið fram á fimm sera drukkin ungfólk, sum sótu uttan fyri ein barnagarð.

- Har sá øgiligt út, sigur vakthavandi á politistøðini, og tey ungu sluppu at rudda upp eftir sær, áðrenn foreldrini komu eftir teimum.

Beint fyri midnátt fekk politiið frá einum matstaði boð um, at har var ein sera full ung genta, sum foreldrini eisini komu eftir.

Politiið fekk eisini fráboðan um, at spiritus varð selt ungfólki á einum skeinkistaði, men tá politiið kom á staðið, var eingin har undir 18 ára aldur.

Og beint áðrenn klokkan fýra í morgun varð ein 16 ára gomul genta tikin upp, tí hon hevði fingið ov nógv at drekka, og hon varð send á Landssjúkrahúsið til kanningar.

Í øllum hesum førunum verður sosialrapport skrivað, sigur vakthavandi á politistøðini í Havn.

Er kopiera
Nýggjastu sendingar í ÚV
Mikudag 18. november
Skipsboð
216603
Týsdag 17. november
Vitan
216375
Týsdag 17. november
Vitan
216297
Nýggjastu sendingar í SV
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470