Eyka tíðindasending um semingsuppskotið

Eyka tíðindasending verður í útvarpinum klokkan 11 í sambandi við, at Kommunala arbeiðsgevarafelagið og Heilsuhjálparafelagið skulu svara Semingsstovninum upp á semingsuppskotið, sum partarnir fingu í gjárkvøldið.

Semingsstovnurin sat við pørtunum til klokkan 11 í gjárkvøldið, tá KAF og Heilsuhjálparafelagið fingu semingsuppskot at taka støðu til. Partarnir skulu svara nú klokkan 11.

Per Martin Gregersen, Heilsuhjálparafelagið, KAF, semingsstovnurin

Frítekst tagging: 

Per Martin Gregersen

Heilsuhjálparafelagið

KAF

Semingsstovnurin

Bjarni Árting Rubeksen

Per Martin Gregersen er formaður í Kommunala arbeiðsgvarafelagnum. (Mynd: Bjarni Árting Rubeksen)

Semingsroyndin byrjaði fyrrapartin í gjár.

Ber semingsroyndin ikki á mál, fara limirnir í Heilsuhjálparafelagnum í verkfall.

Tað var avgjørt á aðalfundi hjá Heilsuhjálparafelagnum leygardagin.

Mary Antonsdóttir, Heilsuhjálparafelagið, KAF, semingsstovnurin

Frítekst tagging: 

Mary Antonsdóttir

Heilsuhjálparafelagið

KAF

Semingsstovnurin

Bjarni Árting Rubeksen

Mary Antonsdóttir er forkvinna í Heilsuhjálparafelagnum. (Mynd: Bjarni Árting Rubeksen)

Nevndin í Heilsuhjálparafelagnum legði uppskot fyri aðalfundin um, at nevndin skuldi fáa heimild at lýsa arbeiðssteðg, um semingsroyndin ikki ber á mál.

Og hetta var samtykt við stórum meiriluta.

Sáttmálin hjá Heilsuhjálparfelagnum fór úr gildi 1. oktober í fjør, men arbeitt verður eftir honum, til nýggjur sáttmáli er gjørdur.