Velja staðbundna nevnd fyri Hest

Hestur fær nú sína staðbundnu nevnd.

Eingin nevnd var vald á kommunuvalinum 12. november í fjør, tí eingin bjóðaði seg fram.

Tórshavnar býráð fer tí at velja eina nevnd í dag.

Tað kann býráðið gera sambært kommunustýrislógini.

Har stendur, at kommunustýri kann seta serstakar nevndir at taka sær av einstøkum málum ella at ráðgeva kommunustýrinum, fíggjarnevndini ella aðrari fastari nevnd.

Fýra fólk vera vald í nevndina. Eitt teirra er borgarstjórin, sum verður forkvinna í nevndini.

Nevndin verður mannað á sama hátt sum hestnevndin og hevur somu uppgávur sum hon.