Bilur út av Vatnavegnum í Vágum

Tvey fólk fingu skaða, tá ein bilur um hálvgum sjey tíðina í morgun fór út av Vatnavegnum í Vágum.

Bilurin fór illa, men enn veit løgreglan ikki, hvussu illa fólkini eru komin til skaða.

Sambært vakthavandi á løgreglustøðini fór bilurin útav, og løgreglan er framvegis á staðnum.

Tey vita ikki, hvat hendi, ella hvønn veg, bilurin koyrdi.

Tvey fólk vóru í bilinum.

Vakthavandi sigur, at ferðslan er ikki órógvað á Vatnavegnum.