Tveir mans fluttir á Landssjúkrahúsið eftir ferðsluóhapp

Tveir mans vórðu fluttir á Landssjúkrahúsið til kanningar, eftir eitt ferðsluóhapp á Vatnavegnum í Vágum um hálvgum sjeytíðina í morgun.

Ein bilur, sum koyrdi eftir Vatnavegnum, úr Miðvági móti Vatnsoyrum, fór niðan av vegnum.

Báðir menninir, sum vóru í bilinum, vórðu fluttir á Landssjúkrahúsið til kanningar, men eftir øllum at døma hava teir ikki fingið álvarsligt mein, sigur vakthavandi á løgreglustøðini.

Menninir eru ikki avhoyrdir, og løgreglan kennir ikki orsøkina til óhappið..

Eingin illgruni er um, at rúsdrekka var uppií, og tað er ikki greitt, hvussu skjótt bilurin koyrdi, sigur vakthavandi.