Sólvit Nolsøe gevst í politikki

Sólvit Nolsøe var landsstýrismaður fyri Fólkaflokkin, tá hann í 2022 valdi at stilla upp fyri Framsókn og varð valdur við 249 atkvøðum, triði á listanum hjá flokkinum.

Nú hevur hann boðað frá, at hann stillar ikki upp aftur - hvørki fyri Framsókn ella fyri annan flokk.

Orsøkin er fosturtøkupolitikkurin hjá Framsókn.

"Framsókn hevur samtykt, at fosturtøkupolitikkurin er ein politikkur hjá flokkinum, sum valevni skulu taka undir við. Hetta er ein broytt fortreyt í mun til, tá eg av fyrstan tíð stillaði upp fyri flokkin. Tí kann eg ikki stilla upp fyri Framsókn aftur."

Tað sigur Sólvit Nolsøe, sum í dag boðaði frá, at hann er farin frá sum formaður fyri tingbólkin hjá Framsókn.

Hoyrið longri samrøðu við Sólvit Nolsøe her: