Tey fólkavaldu velja nevndir í dag

Tingið skal velja nevndir í dag.

Tað skal eisini velja útnorðurráð, umboð løgtingsins í Norðurlandaráðnum og ein løgtingsgrannskoðara.

Erling Eidesgaard, sum ikki er í løgtinginum longur, var í útnorðurráðnum, Norðurlandaráðnum og hann var løgtingsgrannskoðari.

Annars eru nógv mál á dagsskránni hjá løgtinginum seinnapartin í dag.

Har eru seks triðju viðgerðir og fimm aðru viðgerðir og atkvøðugreiðslur.

Og eitt mál hevur fyrstu viðgerð.

Tað er uppskotið um at geva fiskimonnum betri sømdir í ALS.

Og tingið skal umrøða 13 spurningar frá Jenisi av Rana, tingmanni, um Vanlukkutryggingarráðið og svarið hjá Margit Stórá, landsstýriskvinnu.