Kommunur fáa allan skattin

Fíggjarnevndin er samd við landsstýrið um at lata kommununi, ella atvinnukommununi, har bygningurin er, allan skattin av leiguni.

Hetta merkir, at kommunurnar fáa meira burturúr.

Nú verður skatturin býttur millum land og kommunur.

Kommunurnar fáa 45 prosent og landið 55 prosent.

Kommunurnar fáa 1,7 mió. kr. meira í sín lut, metir Fíggjarmálaráðið.

Kommunurnar hava spurt, hvussu leingi skattafrádrátturin, 100.000 kr., fyri langtíðarleigu verður  galdandi.  

Eitt ár aftrat

Í uppskotinum, sum fíggjarnevndin hevur, er ásett, at frádrátturin minkar niður í 50.000 kr. 1. januar 2030.

Fíggjarnevndin mælir til at hava 1. januar 2031 í staðin fyri.

Kommunurnar vísa á, at tá hetta bara er um skattim av langtíðarleigu og skattafrádrátturin er 100.000 kr., kann væntast, at meirinntøkan fer til tær størstu kommunurnar.

Leigan á bygd er neyvan størri enn frádrátturin í skattinum, siga kommunurnar. 

Kommunufelagið vil tí, at skipanin, sum sigur, at allur skatturin fer til atvinnukommununa, verður galdandi fyri bæði stutttíðar og langtíðar leigu.

Fíggjarmálaráðið, sigur, at uppskotið er sambært samgonguskjalinum og eftir ynski frá Kommunufelagnum.