Sissal Jóhanna skrivaði søgu: Fyrsti føroyingur í einari Eurovision-finalu

Sissal Jóhanna Norðberg Niclasen úr Havn skrivaði í kvøld føroyska tónleikasøgu, tá hon gjørdist fyrsti føroyingur nakrantíð í einari Eurovision-finalu. 

Hetta er greitt eftir, at Sissal Jóhanna bleiv kunngjørd sum tað fjóðra landið, sum kom í finaluna frá seinnu hálvfinaluni. 

Harvið hevur Sissal Jóhanna brotið langa danska finalu-forbannilsið, tí tað er fyrstu ferð síðani 2019, at nakar hevur sungið Danmark í finaluna. 

Framførslan hjá Sissal Jóhonnu av "Hallucination" var eisini framúrskarandi, so tað var fult uppiborið, at Sissal Jóhanna kom í finaluna. 

Í grundini stendur "Hallucination" eftir sum ein tann sterkasti poppsangurin í kappingini, ið er á tremur við sangi, ið eru meira keipaleikir enn veruligir poppssangir - sirkussangir. 

Hjartaliga tillukku, Sissal Jóhanna. 

Sissal Jóhanna Norðberg Niclasen, Eurovision 2025

Londini, ið komu víðari úr seinnu hálvfinauni, vóru:

Litava | Katarsis – Tavo Akys

Ísrael | Yuval Raphael – New Day Will Rise

Armenia | PARG – SURVIVOR

Danmark | Sissal – Hallucination  

Eysturríki | JJ – Wasted Love

Luksemborg | Laura Thorn – La Poupée Monte Le Son

Finnland | Erika Vikman – ICH KOMME

Lettland | Tautumeitas – Bur Man Laimi

Malta | Miriana Conte – SERVING

Grikkaland | Klavdia – Asteromáta