Løgmaður: Arbeiða við møguligum broytingum

Tey arbeiða við tí, men enn við løgmaður ikki siga nakað um, hvørjar møguligar broytingar kunnu standast av, at ein arbeiðsbólkur metur tað spara 2 ár og bøta um trygdina, at fara upp í Skúgvoy.

Í gjár handaði skjóttarbeiðandi arbeiðsbólkurin løgmanni sínar viðmerkingar um møguleikan fyri at bora úr Skúgvoy.

Bólkurin hevur gjørt sína egnu meting av, hvussu nógv tað kostar eyka at fara niður norðanfyri Sands bygd og gera ein teym upp í Skúgvoy og niðurstøðan er helvtina av tí upphædd, sum PF Suðuroyartunniloin í sínum uppriti metir at tað kostar.

Sambært Tunnilsfelagnum kemur tað at kosta umleið eina milliard meiri um tunnilin skuldi farið niður norðan fyri Sands bygd og upp í Skúgvoy. Sambært arbeiðsbólkinum er talan um eina hálva milliard.

Sambært teimum fer tað at kosta 370 milliónir krónur meira at fara niður norðanfyri Sands bygd við Suðuroyartunlinum heldur enn av Skarvanesi - og um vit eisini skulu hava ein teym upp í Skúgvoy kostar tað 180 milliónir aftrat - tað vil siga 550 milliónir krónur í alt.

Hetta er serliga vegna sparingar av tíð, tí borast kann frá fleiri síðum. Tað metur arbeiðsbólkurin sparir tvey ár 

PF Suðuroyartunnilin metti í síni viðmerking sparingina at verða eitt hálvt ár

Niðurstøðan hjá arbeiðsbólkinum er, at tað  ber til at bora úr Skúgvoy og tað er bæði ráðiligt og skynsamt at gera ein breiðan flatan tunnil úr Skúgvoy, sum kann brúkast sum rýmingarleið  og sum kann borast frá fleiri mótum. 

Tað er tó eingin váðameting gjørd av, hvussu tað ávirkar trygdina um ein teymur verður gjørdur upp í Skúgvi og tað heldur arbeiðsbólkurin burdi verið gjørt. 

Verður borað úr Skúgvoy er tað ein fyrimunur fyri trygdina meðan tunnilin er í ger er eisini niðurstøðan hjá arbeiðsbólkinum.