Falskt pass kostaði fongsulsrevsing og útvísing

Ein maður í tretivunum er dømdur 40 daga treytaleysa fongsulsrevsing fyri skjalafalsan og er útvístur úr Føroyum við innferðarbanni í trý ár.

Maðurin, sum kom við Norrønu í gjár, vísti eitt falskt pass, tá hann varð biðin um samleikaprógv. Í grundlógarhoyring í Føroya Rætti fyrrapartin játtaði hann seg sekan.

Maðurin, sum er úr Albania, hevur einki tilknýti til Føroyar.