Formansskapurin viðger kongsvitjan og setiumboðsmann

Seinnapartin fer formansskapurin hjá løgtinginum at tosa um kongsvitjanina, sum verður frá 11. til 14. juni.

Fíggjarætlanin fyri løgtingið næsta ár er eisini á dagsskránni hjá formansskapinum í dag og skriv frá Løgtingsins umboðsmanni.

Á fundi 20. mars fekk formansskapurin at vita frá Løgtingsins umboðsmanni, at hann metir seg vera ógegnigan at viðgera eitt mál. 

Formansskapurin umrøddi spurningin um at finna ein setiumboðsmann og taka avgerð um hetta á næsta fundi.

Løgtingsins umboðsmaður hevur eisini boðað formansskapinum frá lýtum í fiskivinnulóggávuni og í lóggávuni um fólkakirkjuna.

Og Løgtingsins umboðsmaður vil hava umboðsmanslógina endurskoðaða.

Hon er ikki broytt, síðan hon kom í 2000.