Ófriðurin breiðir seg

Støðan í amerikanska býnum Los Angeles bara vernsar, og nú skriva altjóða miðlar, at ófriður nú eisini er um at taka seg upp í San Fransisco. Har endaðu mótmælisgomgur við ófriði og samanbrestum millum løgreglu og mótstøðufólk og minst 60 fólk er handtikin.

Serliga ófriðarligt hevur tað verið í býarpartinum Paramount í Los Angeles, har 82 av íbúgvunum eru av sponskum uppruna.

Donald Trump, forseti, hevur givið boð um, at 2.000 hermenn frá tjóðarhirðuni skuldu setast inn í stríðið at niðurberja mótmælisfólkini, hóast guvernørurin í Kalifornia, Gavin Newsom, og mælt frá. Og hann fær undirtøku frá fleiri borgarstjórum, millum annað honum í býnum Glendale, sum hevur uppsagt eina avtalu at taka ímóti fangum, sum stjórnin metir vera ólógligarar tilflytarar. Donald Trump verðu rlagdur undir við vilja at øsa mótmælisfólkini, og brúk er ikki fyri teimum 2.000 hermonnunum, tí 17.000 løgreglufólk longu eru til staðar.

Ófriðurin í Kalifornia fær nú danska uttanríkisráðið til at ávara danir, sum hava ætlanir um at fara til Los Angeles.

Tað skrivaði danska uttanríkisráðið á heimasíðu síni seint seinnapartin Hvítusunnudag.

Har stendur at lesa, at tað eru mótmælisgongur og ófriður fleiri staðni í Los Angeles, og danskir ríkisborgarar vera bidnir um at halda seg burtur frá hesum.

Fólk vera biðin um at hava pass og skjalprógv fyri at tey hava loyvi til at vera í USA uppi á sær, í fall at tey av óvart enda í slíkum støðum.

Uttanríkisráðið biður fólk fylgja væl við í, hvussu støðan í býnum er og leggur teimum eina við at fylgja boðum frá myndugleikunum. Kemur mann í trupulleikar ber til at ringja til vakttænastuna hjá danska uttanríkisráðnum.