Nýggja Sjósavnið og Mentanarhúsið í Vágum varð reist mikudagin

Høvuðsendamálið við nýggja Sjósavninum og Mentanarhúsinum í Vágum verður at lýsa sjóvinnusøguna í Føroyum frá árabáti til tann nýmótans flotan, ið vit hava í dag - og tað verður gjørt við modelskipum. Harumframt fer tað at bera til hava tiltøk av ymiskum slag, samstundis sum hølini eisini fara at vera vælhóskandi til veitslur.

Ein partur av tekjuni í sjálvari høllini er ein útróðrarbátur, sum í 1973 varð keyptur úr Danmark til Tvøroyrar og sum tá nevndist Astrid II. Báturin varð bygdur á Rudkøbing Skibsværft í Rudkøbing í 1943. Eftir at hava havt skiftandi eigarar varð báturin um aldarskiftið seldur til Fuglafjarðar, har ið hann fekk navnið Marna. Í 2018 skuldi báturin høggjast upp á Skála, men tá yvirtóku fyrireikararnir av Sjósavninum og Mentanarhúsið bátin.

Serlig uppliving at standa undir bátinum

Ætlanin er at síggja tað ráa og autentiska tilfarið í bátinum, tá tú ert inni í bygningin. Og tað verður eisini ein hugtakandi sjón at hyggja upp í bátin.

Samrøðan kann hoyrast her!