Visit Faroe Islands vil hava fleiri súkklarar til Føroya

Ímynda tær Jonas Vingegaard stríða seg niðan á Sornfelli.

Ella Tadej Pogajar koma súsandi oman av Heltnini.

At síggja júst hesar báðar professionellu súkklararnar á føroysku vegunum er kanska utopi; men at síggja fleiri útlendingar taka súkkluna við til Føroya er kanska ikki so langt frá veruleikanum.

Í øllum førum hava tey á Visit Faroe Islands upplivað alsamt størri áhuga fyri súkkluferðum til Føroya. Fleiri fyrispurningar eru komnir frá ferðaskrivstovum, sum ynskja at bjóða slíkt til síni ferðafólk, sum koma til Føroya.

Økti áhugin hevur fingið Visit Faroe Islands at gera nakað við tað.

Ein súkklufilmur er gjørdur, og átta súkkluleiðir eru lagdar út á heimasíðuna hjá Visit Faroe Islands.

Jóhan Pauli Helgason, menningarleiðari á Visit Faroe Islands, vitjaði Summarmorgun.