Lógaruppskot gjørt um yvirtøku

Uppskot er nú gjørt um, at Føroyar yvirtaka málsøkið loftferðsla.

Uppskoti hevur danska flutningsmálaráðið gjørt.

Uppskotið er sent til hoyringar. Hoyringarfreistin er til 21. august.

Danska lógin um flogferðslu skal broytast fyrst, áðrenn málsøkið kann fara á føroyskar hendur.

Yvirtøkan skal fremjast stigvíst.

Semja

Sirið Stenberg, landsstýriskvinna, og Thomas Danielsen, flutningsmálaráðharri, gjørdi semju síðst í mai um, at Føroyar skulu taka við málsøkinum loftferðsla. 

Hvussu skjótt, yvirtøkan verður framd, avger landsstýrið eftir samráðingar við flutningsmálaráðharran.

Higartil hevur verið sagt, at alt málsøkið skal yvirtakast í einum. Hetta er nú broytt. 

Nú kann yvirtøkan gerast stigvíst.

Sirið Stenberg segði 1. juni, at hon væntar, at yvirtøkan er komin undir land um trý til fýra ár.