Lonin í Skopun verður venjingarmiðstøð

Lonin í Skopun er nú seld. Tað eru hjúnini Randi Hentze og Sigurd Hentze, sum hava keypt bygningin og tey eiga og reka Fitnesshøllin Sandoy og fyritøkuna Gólvfix. 

Tey fara at brúka nýkeypta bygningin til størri goymsluhølir til Gólvfix og eisini flyta tey Fitnesshøllina Sandoy oman í Lonina. 

Randi Hentze sigur, at tey hava merkt ein vaksandi áhuga, tey 7 árini venjingarmiðstøðin hevur verið opin. Við teimum nýggju hølunum fáa kundarnir betri umstøður og møguleikar at venja. 

Fyrst flyta tey Gólvfix inn og síðani venjingarmiðstøðina - og eftir ætlan er tað gjørt 1. januar 2026. 

Hoyr samrøðu við Randi Hentze niðanfyri