Magni endaði nummar 24 í triathlon

Teir báðir føroyingarnir í triathlon Magni Hansen og Bergtór Thorsteinsson endaði sum nummar 24 og 42 í triathlon-kappingini, sum var á Orknoyggjum í dag.

Kappingarnar eru farnar í gongd av álvara, og teir báðir vóru millum fyrstu føroyingarnar, sum royndu seg.

Teir svumu, súkklaðu og runnu í Stromness, sum er næststørsti býurin í Orknoyggjum, men høvdu ongan kjans at fylgja teimum fremstu.

Magni Hansen hevði tíðina 02.18.45 tímar, meðan Bertór Thorsteinsson rann teinin upp á 02.34.04. Vinnarin, Thomas Atkinson av Jersey, kom á mál við tíðini 01.52.47.

 - Eg haldi eg eri okey nøgdur. Eg helt, at eg hevði nokk av orku allan vegin, segði Magni Hansen.