RSP fer norður at seta futt í Viðareiði

RSP fer norður at seta futt í Viðareiði
"Eingin veitsla uttan ein av bestu live bólkunum í landinum, nevniliga RSP," skrivar Norð festivalurin, nú tað er greitt, at kúllarnir úr RSP vera á skránni í ár
Mynd: Filippo De Dionigi  
 
14.07.2025 - 23:00

Í rákanum frá nýslaktaðu kúnni, ið er eitt av hæddarpunktunum á Norð festivalinum, fara asfaltsrotturnar RSP úr Havn á pallin á Norð festivalinum 30. august. 

Tað kunngerð festivalurin í dag. 

Sambært fyriskiparunum, so lovar RSP at enda føroyska summarið við ársins braki. 

Og teir plaga at halda tað, ið teir lova, RSP, tí teir hava í fleiri umførum lagt bæði G! og SF fyri sínar føtur. 

 

Donsku Dodo and the Dodo's høvuðsnavn

RSP leggjast afturat einari rættiliga umfatandi skrá fyri Norð festivalurin, har bulurin sum altíð er føroyskur. 

Einasta útlendska navnið higartil er danski bólkurin Dodo and the Dodo's, ið er høvuðsnavnið.

Men afturat danska íkastinum, so eru nøkur av sterkastu nøvnunum á heimliga tónleikapallinum. 

Norð festivalurin hevur, umframt Dodo and the Dodo's og RSP, higartil eisini kunngjørt Páll Finnur Páll, Marius Ziska, Guðrið Hansdóttir, Adrenaline, Kim Hansen, Eyðun Nolsøe, Jens Marni Hansen, Karl Martin Samuelsen & Mikkjal Hvannastein, Uni Debess, Steintór Rasmussen og Ottar Skottar. 

Norð festivalurin verður á Viðareiði 30. august. 
 

Er kopiera
Nýggjastu sendingar í ÚV
Nýggjastu sendingar í SV
Mikudag 13. august
Dagur og vika - teknmálstulkað
195526
Týsdag 12. august
Veðrið
195508
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397