Melkart-2 fer at fiska makrel

Vørn hevur í kvøld fingið boð frá Melkar-2, at tað er á veg at fiska makrel í føroyskum sjógvi.

Tað upplýsir Jóhan Simonsen, deildarleiðari á fiskiveiðieftirlitinum, í kvøld.

Sambært reglunum, so skal skipið boða Vørn frá í minsta lagi seks tímar, áðrenn tað fer til fiskiskap í føroyskum øki. Tað er nú gjørt.

Melkart-2 heldur leiðina eystureftir, helst til økið, har hini makrelskipini eru. Danska verjuskipið, Knud Rasmussen, hevur vent aftur til lands, og eltir harvið ikki longur russiska skipið.