Einki frætt um knívin

Hóast nógv fólk vóru á Tórsfest fríggjakvøldið, hevur politiið ikki frætt frá nøkrum, sum veita at siga, hvør brúkti knív inni í áskoðarafjøldini. 

Ein ungur maður bleiv stungin í lærið.

Politiið vil fegið hoyra frá fólki, sum annaðhvørt sóu hendingina, ella hava hoyrt okkurt, sum kann hjálpa poltiinum at finna unga mannin, sum brúkti knív.

Maðurin, sum bleiv stungin, vendi sær og sá knívmannin, sum hann ikki kendi, men sum hann hevði havt ein lítlan orðadrátt við fyrr um kvøldið.