229 arbeiðsloyvi latin útlendingum í ár eftir snarskipanini

1. juli vóru 269 arbeiðsloyvi latin fyrstu ferð eftir snarskipanini. 

Snarskipanin, fasttrack, kom í 2021.

Tá, í 2021, vóru latin 60 loyvi. Skipanin kom ikki fyrr enn 18. november.  

Í 2022 vóru loyvini 635. Tey vóru 372 í 2023 og 421 í 2024. Og higartil í ár sløk 300.

Til 1. juli vóru latin tilsamans 656 arbeiðsloyvi, fyrstu ferð og longd loyvi. Tey vóru 1095 í fjør.

Inntøkumark

Nógv færri útlendingar, sum koma til Føroya at arbeiða, fáa nú makan og børn við sær til Føroya.

Fyri at tryggja, at útlendingar eru førir fyri at uppihalda síni familju her, setti landsstýrið í september 2023 inntøkumørk í sambandi við arbeiðsloyvi til teirra, sum hava familjuna við sær.

Og talið á hjúnafeløgum minkaði 63 prosent frá 2023 til 2024.

Børnini gjørdust 37 prosent færri frá 2023 til 2024.

Til 1. juli í ár eru bara 16 makar og børn komin.