Tøgn um oyggjaleikir í Klaksvík

Tøgn valdar um óvissuna, um nakrir leikir verða í Klaksvík, tá Føroyar verða vertir fyri oyggjaleikunum um tvey ár.

Í gjár frættist frá formanninum í oyggjaleikanevndini og føroysku fyrireikingarnevndini, Teiti Samuelsen, at óvist er, um nakrar kappingar verða í Klaksvík í sambandi við oyggjaleikirnar. Ætlanin varð annars at hava flogbólt og triatlon í Klaksvík.

Kringvarpið hevur í dag roynt at fáa viðmerkingar til málið.

Forsetin í Ítróttasambandi Føroya, Elin Heðinsdóttir Joensen, sum eisini er í oyggjaleikanevndini, sigur, at hon hevur onga viðmerking í løtuni. 

Landsstýrismaðurin í mentamálum, Eirikur í Jákupsstovu, hevur heldur onga viðmerking í løtuni.

Hann sigur, at hetta fyrst og fremst er eitt mál millum oyggjaleikarnevndina/ÍSF, sersambondini og kommunurnar, sum veita umstøðurnar.

Hoyr innslag í útvarpstíðindunum: