Grovur harðskapur í Landsrættinum

Eystari landsrættur skal nú avgera, um dómurin hjá Føroya rætti 27. mai í ár er rættur.

Hann fer í dag og í morgin at viðgera málið hjá einum 32 ára gomlum manni úr Filipsoyggjunum.

Maðurin fekk í Føroya rætti eitt árs fongsul treytaleyst, og hann var vístur av landinum.

Hann var dømdur fyri serliga grovan, ráan ella vandamiklan harðskap og fyri ólógliga inntreinging í Skálafirði 21. november í fjør.

Maðurin kærdi dómin.

Men hann hevur verið í varðhaldinum til nú, mál hansara verður viðgjørt í landsrættinum. 

Skuldsetingin var drápsroynd, men ákæran bleiv serliga grovur, ráur ella vandamikil harðskapur.