Frá heimselituni í Berlin til Føroya Symfoniorkestur

Catherine hevur júst vitjað í Føroyum, har hon hevur heilsað upp á tónleikararnar, og hevur havt fyrstu fundirnar við listarligu leiðsluna í Føroya Symfoniorkestrinum. 

Tað boðar Føroya Symfoniorkestur frá í tíðindaskrivi. 

Catherine er fødd í Manchester, men hevur seinastu 30 árini verið búsitandi í Berlin.

Hon las tónleik á Cambridge University, í Hannover og á Karajan Akademinum í Berlin, har hon eisini spældi við Berliner Filharmonikarunum.

Eftir tíggju ár sum solofagottistur í Komische Oper Berlin, tók Catherine í 2012 avgerð um at elta dirigentdreyminum.

Á palli við framúr orkestrum

Síðani hevur hon staðið á pallinum við framúr orkestrum, m.a. London Philharmonic, BBC National Orchestra of Wales, Berliner Radiosymfoniorkestri, Orchestre du Capitole de Toulouse og Hong Kong Sinfonietta.

Í 2023 varð hon útnevnd til fyrsti tónleikaligari leiðari hjá National Youth Orchestras of Scotland. Í konsertárinum 2025-26 skal hon m.a. stjórna Deutsches Symphonie-Orchester Berlin, Orchestre National de Bordeaux og Münchens Kammerorkestri.

Fýra ár sáttmála

Hon hevur serligan áhuga fyri samtíðartónleiki og hevur stjórnað frumframførslum av verkum eftir m.a. Alexander Goehr, eins og hon hevur samstarvað við Ensemble Modern, Klangforum Wien og Birmingham Contemporary Music Group.

Við brennandi áhuga fyri unga ættarliðnum av tónleikarum, so hevur hon undirvíst og stjórnað ungdómsorkestrum kring heimin og verið gestaprofessari á Universität der Künste í Berlin.

Føroya Symfoniorkestur hevur gjørt frýa ára samstarvsavtalu við Catherine.

Catherine Larsen-Maguire