Golfstreymurin minkar sannlíkt við tíðini

Tað eru stór sannlíkindi fyri, at Golfstreymurin minkar ella steðgar upp við tíðini við tí útláti, sum vit hava í dag.

Tað sæst á nýggjum langtíðarframskrivingum og metingum av samanhanginum millum útláti av koltvíiltu, og hvørja ávirkan tað kann hava á Golfstreymin.

Tað nýggja er tó, at nýggjasta granskingin vísir eina meiri líðandi broyting, enn granskingarúrslit fyrr hava víst, sigur Karin M.H. Larsen, havfrøðingur og deildarleiðari á Umhvørvisdeildini hjá Havstovuni. 

Granskarin greiðir soleiðis frá nýggju granskingarúrslitinum.

Hóast forsøgnin kann ljóða døpur, leggur Karin M. Larsen dent á, at vit ikki vita við vissu, hvat ið fer at henda í framtíðini við Golfstreyminum.