KÍ og NSÍ vunnu aftur hesaferð

Oddaliðini í bestu fótbóltsdeildini við kvinnum vunnu bæði trygt í dag.

Malena Olsen, Maria Johansen, Tórunn Joensen og Sólja Ernstdóttir skutu málini hjá KÍ, sum vann 4-0 á HB í Klaksvík.

Úrslitið var tað sama í Runavík, har NSÍ vann á Víkingi. Sólja Johansen og Sigrid Jacobsen skutu eitt mál í part, og Heidi Sevdal skoraði tvær ferðir fyri heimaliðið. 

KÍ er fremst við 51 stigum, NSÍ er á øðrum plássi við 48 stigum, HB liggur nummar trý við 34 stigum, og Víkingur er nummar fýra við 28 stigum.

Næsta vikuskiftið tekur NSÍ ímóti KÍ í Runavík. Bert fýra dystir eru eftir at spæla, og hetta er næstseinasti innahýsis dysturin millum tey bæði fremstu liðini.