Tí eitur tað ein brokkmanslestur

Tað, sum vit í dag rópa ein brokkmanslestur, hevur røtur heilt aftur í 1600-talið og er knýtt at danska gudførðinginum og biskupinum Jesper Rasmussen Brochmand (1585-1652). Hann var professari í gudfrøði í Keypmannahavn og seinni biskupur í Sælandi. Undir bispadømi hoyrdu eisini Føroyar til.

Brochmand gav eisini út nógv verk. Eitt av hansara kendastu verkum vóru prædikutekstir, lestrarbøkur, sum prestar brúktu til prædiku hvønn sunnudag.

Men hvar kemur so orðið brokkmanslestur frá? Jú, tí prestar og lesimenn hildu seg so nágreiniliga til tekstirnar ár aftaná ár uttan at leggja nakað eyka aftrat ella at seta tað í ein livandi samanhang. Soleiðis fóru tekstirnir hjá Brochmand at merkja nakað, sum var langt og tungt at koma ígjøgnum.

Jákup Reinert Hansen heldur tó, at Brochmand møguliga ikki hevur uppiborið at fáa eitt negativt orð uppkallað eftir sær.Tí sannleikin er, at tekstirnir hjá Brochmand vóru væl úr hondum greiddir og væl skipaðir.

Í dag kl. 19.15 heldur Jákup fyrilestur um Brochmand í bókasavninum í skúlanum í Kollafirði.

Jákup vitjaði morgunsendingina, har hann greiddi frá um Brochmand og brokkmanslestur. Samrøðan kann hoyrast her: