Kærustovnurin ikki heimild at viðgera kæru um stik

Tað hjálpti ikki at kæra eina avgerð hjá Landsverki um hegning og viðlíkahald í sambandi við landsveg gjøgnum ein haga.

Tí Føroya kærustovnur sigur, at hetta er ikki hansara borð.

Talan er ikki um fyrisitingarliga avgerð, svarar Kærustovnurin.   

Kært var, tí Landsverk segði seg ikki vilja hegna.

Landsverk segði seg hvørki hava møguleika at lata stik, ella at gera avtalu við hagan um stik. 

Avgerðin hjá Landsverki var kærd.

Kærustovnur metir, at viðlíkahald av landsvegum er innan fyri faktiska virksemið hjá Landsverki.

Talan er um generellar rakstraruppgávur, sum Landsverk hevur ábyrgd av at røkja. 

Talan er sostatt ikki um eina fyrisitingarliga avgerð.

Tí hevur Kærustovnurin ikki heimild at viðgera málið, sigur hann.