Fært tú nokk av jodi?

Ph d. Ritgerðin hjá Herborg L Johannesen hevur heitið: Jodinntøka í Norðuratlantshavi: Lýsing av jodinntøku og kostinum í Føroyum. Hon varpar ljós á jodstøðið í Føroyum og hevur týdning fyri bæði heilsufakliga vitan og framtíðar heilsupolitikk. 

Fært tú ikki nóg mikið av jodi, ert tú í størri vanda fyri at fáa onkra autoimmuna sjúku, so sum stoffskiftissjúkur av ymsum slag, og tað er nærum ógjørligt at kanna, um jodnøgdin í kroppinum er nøktandi, tí hon sveiggjar so nógv, alt eftir, hvat tú hevur etið. Og granskingarúrslit úr verkætlanini hjá Herborg benda á, at vit í Føroyum ikki fáa nóg mikið av jodi við matinum.

Men loysnin er ikki at fara út at keypa jodtablettir, sigur Herborg, tí at vandin við ov nógvum jodi er eisini til staðar, tí tað kann eisini elva til stoffskiftissjúku, so har skal vera ein javnvág.

Sjálv metir hon, at loysnin, ið danir nýta, har tað er lógarkrav at jod skal vera í saltinum, hevði hjálpt í Føroyum.

Hoyr samrøðuna við Herborg her