Studni herðir eftirlitið við miðnámsskúlanæmingum

-  Vit síggja javnan, at har ikki er samsvar millum tað, sum verður upplýst, tá næmingar søkja stuðul og hvar tey veruliga búgva, sigur Vagn Foldbo, leiðari á Studna. 

Tí fer Studni nú at fylgja neyvari við, um miðnámsskúlanæmingar upplýsa rætta bústaðin, tá søkt verður um studning til livikostnað. Miðnámsskúlanæmingar, sum búgva hjá foreldrunum fáa 2.189 krónur um mánaðin, meðan tey, sum búgva úti fáa 4.545 krónur um mánaðin.