Myndin frá Galaxy er røtt

Myndin av biladekkinum á Galaxy er enn einaferð kannað. KT-fólk og fotografar hava gjøgnumgingið sjálva myndina og eisini tær dátur, sum telefonin sjálvvirkin leggur inn á myndina. Ongar ábendingar eru um, at myndin er tilgjørd. Harumframt kann sigast við rættiliga stórari vissu, at myndin er tikin 1. september 2025 klokkan 19.36. Hon er tikin við einari telefon av slagnum Samsung Galaxy A55.

Knýta vit hesa upplýsingar saman við sokallaðu AIS dátunum hjá Vikmar, so var Galaxy stødd eystan fyri Lítlu Dímun, tá myndin var tikin.

Eftirlitsstovnar ivast
Bæði Strandferðslan og Sjóvinnustýrið hava sagt seg ivast í, um myndin er røtt, og um hon er tikin meðan Galaxy var á opnum havi.

Allar kanningar av myndini vísa, at hon er tikin 1. september klokkan 19.36, og tá sigldi Galaxy eystan fyri Lítlu Dímun.
 

vikmargalaxy.png