Floksfelagar ávirka tína yrkisleið

Frá floksfelaga til starvsfelaga: Ávirkanin av floksfeløgum á yrkisleiðina.

Soleiðis eitur granskingarverkætlanin, sum Tróndur Møller Sandoy seinastu átta árini hevur arbeitt við saman við øðrum granskarum.

Tróndur Møller Sandoy er Ph.D í búskaparfrøði og adjunktur á Fróðskaparsetri Føroya.

- Fyribils úrslit vísa greitt, at tey, tú gongur í flokki saman við, hava stóra ávirkan á, hvar tú fert at arbeiða. Eisini kunnu floksfelagar hava eina ávirkan á, hvussu nógva løn tú fært, sigur Tróndur Møller Sandoy.

Í morgunsendingini greiðir Tróndur Møller Sandoy frá granskingarverkætlanini og útgreinar, júst hvussu floksfelagar ávirka okkara yrkisleið.

Í sambandi við árligu Vísindavøkuna, sum er fríggjadagin, setir morgunsendingin hesa vikuna sjóneykuna á ymiskar granskingarverkætlanir.