Sambandsflokkurin viðger støðuna

Sambandsflokkurin fer nú at viðgera støðuna, sum er komin í, eftir at Eyðdis Hartmann Niclasen, tingkvinna floksins, stendur sum uppskotssetari av uppskotinum um fosturtøkulóg.

Hetta hevur elvt til misnøgd hjá sambandsfólki.

Í gjár boðaði Áron Vest frá, at hann tekur seg úr Sambandsflokkinum, og í gjárkvøldið boðaði Edva Jacobsen, fyrrverandi tingkvinna hjá Sambandsflokkinum, frá, at hon eisini tekur seg úr flokkinum.

Eyðdis Hartmann Niclasen - mynd: Sambandsflokkurin

Eyðdis Hartmann Niclasen.

Í dag hevur valfelagið hjá Sambandsflokkinum í Eysturoynni, Samhald, kunngjørt yvirlýsing, har felagið tekur frástøðu frá, at eitt tingfólk úr Sambandsflokkinum er við til at leggja uppskotið fram. 

Formaðurin í Sambandsflokkinum, Bárður á Steig Nielsen, hevur nú kallað inn øll forfólkini í veljarafeløgunum at umrøða íkomnu støðuna.

Fundurin verður fríggjadagin.

Løgtingið fer í morgin at hava fyrstu viðgerð av uppskotinum um fosturtøkulóg.

Hoyr samrøðu, sum Annika Bolton Mortensen gjørdi við Bárð á Steig Nielsen í útvarpstíðindunum: 

Beinta Løwe

Beinta Løwe.

Hoyr samrøðu við Beintu Løwe, politiskan viðmerkjara, sum var gestur hjá Frants Jensen í útvarpsstovuni: