Nýtt sjúklingahotell byggjast í Keypmannahavn

Nýtt og størri sjúklingahotell skal byggjast í Keypmannahavn.

Heilsumálaráðið og Sjúkrahúsverkið kanna nú, um møguligt er at útvega sjúklingahotellinum í Keypmannahavn størri høli, tí tað, sum er nú, er ov lítið. 

Og hesar kanningar hava longu givið úrslit.

Landsstýrið hevur givið loyvi til, at Heilsumálaráðið tosaði við danska flutningsmálaráðið, sum hevur víst á eitt møguligt grundøki tætt við Ríkissjúkrahúsið.

Og fundur hevur júst verið við Bygningsstyrelsen.

Á fundinum vóru umrøddir møguleikar fyri ráðgeving og samstarvi í sambandi við at byggja nýtt føroyskt sjúklingahotell.

Tað sigur Súsanna Bertholdsen, landsstýriskvinna, í svari til Bárð á Steig Nielsen, løgtingsmann.

Sjúklingahotellið í Keypmannahavn, Tórshavn, hevur leingi verið ov lítið.

Og tað kann ikki útbyggjast.

Les alt svarið her.