Fleiri innbrot seinastu dagarnar

Politiið fekk fráboðan um fýra innbrot mánanáttina.

Tvey vóru í Havn og tvey í Vágum.

Annað var í einum húsi, har fólk hittast. Politiið vil ikki siga, hvat hús, talan er um.

Hitt var í Sirkusi. Har er vakmyndatól, so politiið kundi taka innbrotstjóvin í gjár.

Hann viðgekk at hava framt bæði innbrotini í Havn.

Peningur tikin úr kirkjubússum

Í Vágum var brotið inn í eitt matstað og farið var inn í eina kirkju, har pengar vóru tiknir úr tveimum kirkjubússum.

Eingin er tikin fyri tey bæði revsilógarbrotini. 

Politiið var eisini í Vágum og tók 11 hassjplantur.

Tann, sum átti planturnar, viðgekk at eiga tær.