- Øll vilja broytingar, men eingin vil broytast

Hvør ansar eftir leiðaranum, tá ið hart leikar á? Tað er heitið á nýggjari bók, sum Helgi Rasmussen, sálarfrøðingur, letur úr hondum.

Hetta er ein bók, sum eitt nú er ætlað teimum, ið dagliga virka sum leiðarar á privatum virkjum, stovnum hjá tí almenna og komunum.

Helgi Rasmussen hevur sjálvur verið í andglettinum síðstu dagarnar, tí Frihedsbrevet hevur havt ein søgu við yvirskriftini: - Rindaðu 2,2 milliónir til sálarfrøðing, sum gav starvsfólkum sálarkvøl.

Víðari verður skrivað: - Fyri einum mánað síðan mátti Margreth F. Olsen fara frá sum stjóri í Sernámi orsakað av vánaligum sálarligum arbeiðsumhvørvi. Sambært starvsfólkum var Helgi Rasmussen, sálarfrøðingur, ein týðandi orsøk til hesa støðuna.

Í morgunsendingini svarar Helgi Rasmussen ákærunum.