Fakfeløg fara ikki at samráðast saman

Fakfeløg fara ikki at samráðast saman
Tey 22 fakfeløgini, sum hava sáttmála við Fíggjarmálaráðið, siga, at felags samráðingar mugu fyrireikast væl, so partarnir vita, hvat teir samráðast um
Óluva í Gong, forkvinna í sjúkrarøktarfrøðingafelagnum, sum er eitt av teimum 22 fakfeløgunum, ið hava sáttmála við Fíggjarmálaráðið.
Mynd: Bjarni Árting Rubeksen  
 
06.10.2025 - 11:01

Fakfeløgini, sum hava sáttmála við Fíggjarmálaráðið, fara ikki at samráðast um lønarkarm saman, nú nýtt umfar av sáttmálasamráðingum byrjar í næstum.

Tað skriva tey 22 fakfeløgini í skrivi, sum er sent Jan Sjóstein, stjóra á lønardeildini í Fíggjarmálaráðnum.

- Felags samráðingar mugu vera væl fyrireikaðar, so allir partar kenna greitt, áðrenn samráðingarnar byrja, hvat partarnir eru farnir inn til, siga fakfeløgini.

Ein av orsøkunum til, at feløgini ikki vilja broyta samráðingarnar nú er, at í Føroyum hava vit ikki hava rætta talgrundarlagið fyri at koma fram til rætt úrslit. 

- Tað er serliga spurningurin um grundarlagið undir brúkaraprístalinum, sum ikki er dagført síðani 2007, og talið av arbeiddum tímum, sum skal til fyri at kunna gera produktivitetin upp, sum mangla, sigur Óluva í Gong, forkvinna í Felagnum føroyskir sjúkrarøktarfrøðingar.

Hoyr innslag i útvarpstíðindunum: 

 

06102025_Oluva_um_samradingar

 

 

Jan Sjóstein er stjóri á Lønardeildini. (Mynd: Bjarni Árting Rubeksen)

 

Jan Sjóstein, stjóri á lønardeildini í Fíggjarmálaráðnum, hevur ongar viðmerkingar.

- Tilgongd er í málinum, og vit gera ongar viðmerkingar, meðan vit arbeiða saman við fakfeløgunum um málið, sigur hann.
 

 

 

Er kopiera
Nýggjastu sendingar í ÚV
Sunnudag 22. november
Bolero 22. november 2026
216781
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Nýggjastu sendingar í SV
Sunnudag 22. november
Andaktin
216792
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631